යොන්ගී
අටින් දෙසෙන් වසමැ - ඇරිනෙකොළොසින් සෙමෙහි
සමහල්නි බඳ යොන් ගී -
නමින් පළ වේ හෙ මෙසේ
අර්ථය :- විෂමපාදයන්හි මාත්රා අටකින් හා දහයකින් ද
සමපාදයන්හි එකොළොසකින් හා එකොළොසකින් ද යුතුව මාත්රා සම සතළිසකින් බඳනා ලද්දේ
යොන්ගී නමින් ප්රකට වේ.
කාරිකා
වසම්හි අට නවෙ -
කොළොසින් තෙරින් සෙමෙහි
ලුහු පස්විසි අටගුරින් - බඳ කාරිකා හෙ මෙසේ
අර්ථය :- විසමපාදයන්හි මාත්රා අටකින් හා නවයකින් ද
සමපාදයන්හි එකොළොසකින් හා දහතුනකින් ද ලඝු විසිපහකින් හා ගුරු අටකින් ද බඳහොත්
කාරිකා ගී නම් වේ.
දකුණු වම් තොහොල් ගී
දියුණු ඈ වසන් - සදින්
යුතු මෙම ලකුණෙන්
දකුණු වම් තොහොල් ගී - නිදසුන් එයට මේ වේ
අර්ථය :- දියුණු වූ හෙවත් දෙවරක් යොදනලද ආදී ශබ්දයෙන් හා
අවසාන ශබ්දයෙන් ද මේ කාරිකා ලක්ෂණයෙන් ද යුක්ත වූයේ දකුණු තොහොල්ගී වම්තොහොල්ගී
නම් වේ.
සඳහටගී
පෙදෙනේ පෙදෙ පිරියත - අකුරු ඩැහැ පද නැඟෙ නම්
බහල්මත් ඈ ලකුණු - දනු සඳහට හෙ මෙසේ
අර්ථය :- පාදයෙන් පාදයෙහි අක්ෂරයන් දෂ්ට කොට නැගේ නම්
දෙසාළිස් මාත්රා ආදී ලක්ෂණ ඇති ඒ වෘත්තය සන්දෂ්ට ය යි දත යුතුය.
සසපුලුතු ගී
දබදෙ ගෙණෙන් දෙමත් -
කොමළ පද සමඅත් වූ
සසපුලුතු ගී නම් වේ - නිදසුන් මෙසේ දන්නේ
අර්ථය :- මෙහි ලක්ෂණ කියන ලද්දේ එක් පාදයක පමණකි. එය චතුරාවෘත්ත කළවිට පද්යය සම්පූර්ණ
වේ. මෙහි එක් එක් පාදයක් කොටස් නිත්යෙයන් ම - ්ර -්ර - - මෙසේ සිටී. දෙවෙනි කොටස එක් ගුරකින් හෝ ලඝු
දෙකකින් යුක්ත විය හැකි බැවින් එහි භේද දෙකක් ලැබේ. එහෙයින් පාද සතරෙහි භේද
සොළොසක් වේ.
උනවිලඹු
වසම්හි අට නව - සෙමෙහි
දු ඇර බව්නෙන්
සම එළි කොටින් බඳ
හොත් - උනුවිලඹු නම් හෙ මෙසේ
අර්ථය :- විෂමපාදයන්හි මාත්රා අට නවය බැගින් ද
සමපාදයන්හි එකොළොස බැගින් ද ලා එළි සම කොට බැන්ඳොත් උනවිලඹු නම් විරිත වේ.
ගජගැමි ගී
වසමැ අට එකොළොස් - සම පෙදෙහි ඇර බවනෙන්
සම එළි කොටින් බැඳියේ - ගජගැමි නමැයි දන්නේ
අර්ථය :- විෂමපාදයන්හි මාත්රා අට එකොළොස බැගින් ද
සමපාදයන්හි මාත්රා එකොළොස බැගින් ද ලා එළි සම කොට බඳනා ලද්දේ ගජගැමි විරිතයි.
නළු ගී
සගණ
දගණ ගුරු - ලුහුනෙන් නබ දෙගෙණෙන්
දෙලුහු
ද සගණලුහු - සගණෙන් යලු දු ලුහු වෙ ද
ඇරැ ස අට පසින් - යති හා කොමළ පද වත්
නළු ගී
නමැයි දන්නේ - නිදසුන් එයට මේ වේ
අර්ථය :- සගණ, දගණ, ගුරු, ලුහු යන මෙයින් පර වූ නගණ බගණ
දෙකින් පර ව ලඝු දෙකක් වේ ද, සගණයක් හා ලඝුවක් වේ ද සගණයක් හා ලඝුවක් වේ ද මාත්රා
එකොළොසකින් හා සයකින් ද අටකින් හා පසකින් ද යතිත් වේ ද කොමල පද ඇති ඒ වෘත්තය නළු
ගී නම් වේ.
එළු සඳැස්ලකුණේ ගී විරිත් නිමි.
No comments:
Post a Comment